Nyang di bak kota atawa bak duson
Allah neubri sehat wal 'afiyat
Ureung Islam mandum ta meusyedara
Neujok saleum Nabi kheun sunnat.
Neujaweub saleum Nabi kheun wajeb.
Lam udep Tanyoe chit hana sempurna.
Nyang sempurna chit bak Allah ta'ala.
Jinoe zameun wahee rakan meutuah.
Dum peu alat ka canggeh lagoina.
Neubloe Mie Gureng Bang Haji Baka.
Cukop bagah neukirem BBM saja.
Zameun ka canggeh hai rakan meutuah.
Zameun internet peusahoe ngon lama.
Facebook, Twitter, Instagram ngon WA.
Hana payah preh lee troek uroe raya.
Akhlak mulia beukong ta jaga.
Kalimat nyan get tuntunan baginda.
Ngon ngon-ngon laksana raja.
Saling ta jaga bek teupeh rasa.
Wahee rakan kamoe meutuah.
Ilmee agama wajeb ta mita.
Asai mula dari bab thaharah.
Neumita ilmee bekai donya akhirat.
Wahee rakan kamoe meutuah.
Lam udep wajeb ta keureuja.
Mita raseuki Allah ta'ala.
Hareum bak udep meuputoh asa.
Wahee rakan kamoe meutuah.
Alhamdulillah ka lon suson kalimat.
Lon pih teumuleh mantong meurunoe.
Hana meukeusud lon peumeuteupeh rasa.
Ulon mantong meurunoe saja.
Meurunoe teumuleh meurunoe bahasa.
Nasehat Ayah, Mak ngon mamandum rakan.
Bak jeut leubeh get dalam meusya'ee.
Meunye na salah lon lakee meu'ah.
Sabab manusia hana nyang sempurna.
Sabab lon pih mantong muda.
Nyang udep lam zameun jinoe lagoina.
Teurimong geunaseh Ayah, Mak ngon rakan.
Saleum kamoe bak akhee kalimat.
Insya Allah meureumpok teuma.
Lam sya'ee-sya'ee bak watee laen.
Tajak u Banda ta kaleun Masjid Raya.
Kuah beu leumak ue bek beukah.
Dalam hudepnyo beurayeuk saba.
Mangat hudep lam ridha Allah.*)
Banda Aceh, 13 Mei 2015.
*) Bait terakhir dikutip dari @teukusube
Belum ada tanggapan untuk "Saleum"
Post a Comment