Saleum wahee rakan kamoe
Nibak kota nibak duson
Saleum rahmat wahee syedara
Uroe Rabu ka troek teuka
Tajak-jak lawet nyoe wahee rakan
Leupah crit uroe bak rata sagoe
Bak-bak kayee hana lom rayeuk
Bak tanyoe jak leupah su'uem lagoina
Sebab jinoe bumoe ka tuha
Asoe uteun mandum lee dicok
Na nyang peurelee dum nyang tamak
Peuturot nafsu beubagah kaya
Uteun jinoe hana lee rimbon
Ie krueng pih hana that lee dijaga
Padahal nyan sumber tanyoe ie jep
Sumber oksigen paru-paru donya
Jinoe tanyoe wahee rakan
Jak ta pula bak-bak kayee
Tanoh subur zamrud khatulistiwa
Anugrah Potallah nyang Maha Kuasa
Adak pih hana tanyoe kalon
Bak kayee nyan udep raya
Sunggoh nyan adalah warisan
Keu aneuk cucoe rahmat mulia
Jinoe rakan bak duson ngon Kota
Jak ta pula bak-bak kayee
Bak asan, bak mamplam, bak jatoe
Beujeut ta simpan keu saboh warisan
https://twitter.com/ACEHberkebun
Banda Aceh, 24 Juni 2015
Artikel keren lainnya:
Belum ada tanggapan untuk "Jak Ta Pula Bak Kayee"
Post a Comment